Սեպտեմբերի 24-ին դասավանդող Լուսինե Ալեքսանյանի նախաձեռնությամբ «Մխիթար Սեբաստացի» կրթահամալիր Քոլեջը  հյուրընկալել էր Լոս Անջելոսի «Կենտրոնական գրադարանի» գրադարանավար Դավիթ Թուրշչյանին, ով նաև կրթահամալիրի շրջանավար է։
Հանդիպումը հետաքրքիր էր, հագեցած,որին մասնակցում էին առաջի և երկրորդ կուրսի «Գրադարանային գործ» բաժնի ուսանողները։
Նպատակը էր` ծանոթանալ Լոս Անջելեսի «Կենտրոնական գրադարանի» գործունեությանն ու գործառույթներին: Ի տարբերություն հայաստանյան գործող գրադարանների, նշեմ, որ ԱՄՆ-ի գրադարանները բավականին լայն գործառույթներ ունեն. լեզուների ուսուցում՝ հեռավար և առկա, սոցիալական խորհրդատվություն, իրավաբանական խորհրդատվություն, աշխատանքի տեղավորման գործակալություն, աշխատանքնային փաթեթների ստեղծման ծառայություն, գրքի սպասարկում, հանդիպում հեղինակի հետ, աշխատանք դպրոցների հետ, աշխատանք վետերանների հետ և վետերանների մասնակցությամբ և այլ բազմազան աշխատանքներ: Ծանոթացանք նաև գրադարանում գործող տուգանքներին:Հանդիպումը ընթացավ հարց ու պատասխանով: Ուսանողների հարցերը տարաբնույթ էին։ Պարոն` Թուրշչյանը սահիկաշարով ներկայացրեց գրադարանը: Ուսանողները ստացան իրենց հուզող հարցերի պատասխանները և  ավելի ընդլայնեցին տեղեկացվածությունը տարբեր գրադարանների մասին։  Հանդիպումը  արդյունավետ էր և  կառուցողական: